謎題 Puzzle | 奧數牧人巷

帽子問題(終) Hat Problem 3

Sat, 04 Jan 2020 09:33:53 +0800

20 人成功從 UFO🛸 獲釋放，臨走前善星人😇走左過黎同地球人🥺講：「回到地球大家就會忘記實驗嘅事情，有d人可能躍進了幾百年，對現代文明好驚歎，但其實人類文明只係處於起步階段，按星曆 D768964 嘅星際通鑑，地球人比惡星人😈更不講理，隨時毀於自己手中」。

地球人聽完不以為意，諗起前人用神話故事方式，成功將呢個經歷流傳出去，警告世人 UFO 實驗嘅存在，你嘗試努力記住破解方法，但突然發現惡星人每次都用唔同數量嘅顏料，假如到時使用 n 種顏色🎨，應該如何應對呢？

帽子問題(續) Hat Problem 2

Mon, 30 Dec 2019 21:52:24 +0800

得到善星人😇嘅幫助，排最尾嘅地球人估黑色 - 錯左，惡星人即刻捉左佢入另一間房。然後，其他 9 個地球人都逐一估中自己顏色，惡星人深感詫異，但都信守承諾全部釋放。

故事轉移到第二間房，不幸嘅地球人🥺原來唔只 1 個，房入面有 20 個人，佢地話惡星人其實只係對大家不停重覆呢個實驗，研究人類智商嘅演變，因為 UFO 嘅時間流逝同地球唔同，一日如百年，有d人已經估錯左幾十次，相傳西西弗斯嘅故事就係呢度嘅人傳出去嘅…

講返正題，大家話今次係逃脫嘅好機會，因為呢間房個顏色筒得紅🟥、綠🟩、藍🟦三隻色，趁惡星人😈返黎前，你地可以好好商討下有咩逃脫策略。

帽子問題 Hat Problem

Thu, 26 Dec 2019 15:42:10 +0800

惡星人捉左 10 個地球人上 UFO🛸，惡星人想測試地球人智商，於是要佢地排成一條隊，仲要每個人戴一頂傳心帽，話：「陣間會幫每個人頂帽油顏色，由最尾個個開始估，如果邊個估中自己隻色就會被釋放，否則…… 😈，有人唔係講顏色就全部人都…… 👿」惡星人準備緊顏料嘅時候，善星人入左黎了解情況，於是偷偷地用傳心帽向地球人講：「…… 😇？」

各星球人嘅原則：

😈惡星人講得出做得到，唔會使詐，亦討厭人使詐 (例如：學ErEr Sir)
🥺地球人完全信任善星人，亦都聽佢話；同時非常害怕惡星人，唔敢亂望，只見到排係前面所有帽嘅顏色
😇善星人想釋放越多地球人越好；亦唔想破壞同惡星人嘅合作關係，所以無作出其他干預

具體順序：

善星人同所有人一次過傳心「…」
惡星人將所有帽塗顏色
排最尾估顏色 (淨係可以估黑/白，大家都聽到) 即時釋放/處置
排尾二估顏色 (淨係可以估黑/白，大家都聽到) 即時釋放/處置

… 如此類推

謎題 Puzzle | 奧數牧人巷

帽子問題(終) Hat Problem 3

帽子問題(續) Hat Problem 2

帽子問題 Hat Problem

問題：

你就係善星人，當時瞄到惡星人準備緊黑白 2 種顏料，你會向地球人留低咩訊息？